Лечо хийх технологи

 

1 литрт: амтат ногоон чинжүү 1400 г, улаан лооль 600 г, бөөрөнхий сонгино 150 г, ургамлын тос 80 г, гахайн утсан өөх 50 г, нунтаг паприка 5 г, давс.

         

 

Амтат чинжүүг угаагаад таллан зүсэж үр, үндсийг цэвэрлэнэ. Дараа нь богино савхан хэлбэртэй хэрчинэ.

 
Улаан лоолийг чагтлан зүсээд буцалж байгаа усанд хийж, 30 секунд байлгаад хальсыг хуулж 4 хуваана.
Сонгиныг цэвэрлээд тал цагираг хэлбэртэй  хэрчинэ.

Гахайн өөхийг жижиг дөрвөлжин хэрчинэ.
Том саванд тос хийж халаагаад  хэрчсэн өөх нэмж тунгалаг өнгөтэй болтол нь шарна.
Дээрээс нь хэрчсэн сонгино нэмж шарна.

 Паприка цацаж амт оруулаад улаан лооль, чинжүү нэмээд давс цацна. Хүчтэй гал дээр 10 минут жигнэнэ. Дараа нь бага зэрэг халуун ус нэмж таглаад зөөлөн гал дээр дахин 15 минут жигнэнэ.

Бэлтгэсэн лечог ариутгаж бэлтгэсэн шилэнд хийж, усан ванн дотор тавьж ариутгана. 

Шилийг таглаад ёроолыг дээш харуулан тавьж хөргөнө.